Զիդանին «Ռեալում» բարձր պաշտոն է սպասվում
28/05/2013 11:20
Նմանատիպ
Իսպանական մամուլի հաղորդած տեղեկությունների համաձայն` Ժոզե Մոուրինյոյի հեռանալուց հետո, Զինեդին Զիդանն ակումբում ավելի մեծ դերակատարություն է ունենալու:
Նշենք, որ ֆրանսիացի լեգենդար ֆուտբոլիստը «Ռեալում» նախ Ֆլորենտինո Պերեսի օգնականն ու խորհրդատուն էր, ապա առաջին թիմի տնօրենը: Այդ պաշտոնը ենթադրում էր ակտիվ համագործակցություն Զիդանի և Մոուրինյոյի միջև, սակայն ամեն բան չէր, որ հարթ ընթացավ, և Զիդանը հրաժարվեց այդ պաշտոնից ևս…
Marca-ն գրում է, որ այժմ` Մոուրինյոյի հեռանալուց հետո, Զիդանը թիմում ավելի բարձր պաշտոն է զբաղեցնելու, սակայն աղբյուրը չի հայտնում` հատկապես ինչ պաշտոն:
Երեկ Զինեդին Զիդանը և Ֆլորենտինո Պերեսը հանդիպել են, և իսպանացի լրագրողները կարծում են` հենց այդ հանդիպման ժամանակ էլ վճռվել է ֆրանսիացու պաշտոնի հարցը:
Հետևեք մեզ նաև Telegram-ում