Նեյմարը առաջիկա շաբաթում կներկայացվի «Բարսելոնայի» երկրպագուներին

Բրազիլիայի հավաքականի հարձակվող Նեյմարը հաջորդ շաբաթվա ընթացքում պաշտոնապես կներկայացվի որպես «Բարսելոնայի» ֆուտբոլիստ, հաղորդում են իսպանական ԶԼՄ-ները: Ըստ աղբյուրի տեղեկությունների’ դա տեղի կունենա հունիսի 3-ին կամ 4-ին:

Հիշեցնենք’ Նեյմարը Կատալոնիա է տեղափոխվել բրազիլական «Սանտոսից»: Նրա ծառայություններով հետաքրքրված էր նաև Մադրիդի «Ռեալը», ընդ որում, իսպանական երկու գրանդներն էլ նրան իրենց կազմում ցանկանում էին տեսնել դեռ 2012/13 թթ. մրցաշրջանի մեկնարկից առաջ: Սակայն բրազիլացին այն ժամանակ երկարաձգեց իր ակումբի հետ պայմանագիրը:

Ինչ վերաբերում է տրանսֆերի արժեքին, ապա այն կազմել է 58 մլն. եվրո: «Սանտոսին» այդ գումարից բաժին է հասել 28 մլն.-ը: