Կրոյֆ. Հասկանում եմ` Նեյմարը լավն է, բայց եկեք չմոռանանք Իբրահիմովիչի մասին

«Բարսելոնայի» լեգենդ Յոհան Կրոյֆը շարունակում է կարծել, որ, գնելով Բրազիլիայի հավաքականի հարձակվող Նեյմարին, ակումբը զգալի ռիսկի է գնացել, հաղորդում է իսպանական մամուլը:

Այս առումով լեգենդար հոլանդացին հիշել է կատալոնացիների նախկին հարձակվող Զլատան Իբրահիմովիչին, ով թիմում ընդամենը մեկ մրցաշրջան անցկացրեց:

-Ես կարող եմ պատկերացնել, որ Նեյմարը շատ լավն է, բայց գլխավորը’ թիմ ստեղծելն է: Իսկ դա, իր հերթին, չի նշանակում ֆուտբոլիստներ գնել: Վերցնենք Չեմպիոնների լիգայի եզրափակչի մասնակիցների օրինակը. «Բավարիան» ու «Բորուսսիան» ղեկավարում են ո՛չ ռուսները, ո՛չ էլ արաբները: «Բարսելոնան» այն ժամանակ արդեն սխալվել է’ գնելով Իբրահիմովիչին, իսկ դրա համար «քավության նոխազ» դարձավ Ժոան Լապորտան,- ասել է Կրոյֆը: