Մորատա. Մոուրինյոյի շնորհիվ «Ռեալի» երիտասարդները առաջադիմել են

«Ռեալի» հարձակվող Ալվարո Մորատան գովասանքի խոսքեր է հնչեցրել թիմի ներկայիս գլխավոր մարզիչ Ժոզե Մոուրինյոյի հասցեին, հաղորդում է իսպանական մամուլը:

Ըստ Մորատայի խոսքերի’ թիմի երիտասարդ ֆուտբոլիստներն ու կանտերայի ներկայացուցիչները շատ բան են սովորել պորտուգալացի մասնագետից:

-Ես Մոուրինյոյին մեծագույն մարզիչ եմ համարում: Նա ինձ հնարավորություն է տվել հանդես գալ ակումբի գլխավոր թիմում, և ես նրան ու իր մարզչական շտաբին հաջողություններ եմ մաղթում: Կարծում եմ’ նա մեզ հավատաց առաջին օրվանից ու օգնեց, որպեսզի առաջընթաց ապրենք: Դրա համար անհրաժեշտ է շնորհակալություն հայտնել,- ասել է Մորատան: