Նեյմարը երազում է` «Բարսելոնայի» համար «Ռոնալդինյո ու Ռոնալդո դառնալ»

«Բարսելոնայի» նորեկ Նեյմարը շատ է ցանկանում ամրապնդվել իր նոր թիմի կազմում ու արդարացնել երկրպագուների սպասելիքները, հաղորդում է իսպանական մամուլը: Այս առումով նա հիշել է իր երկու լեգենդար հայրենակիցներին’ կատալոնական ակումբի նախկին ֆուտբոլիստներ Ռոնալդինյոյին ու Ռոնալդոյին:

-Երազանքս է դառնալ այնպիսի ֆուտբոլիստ, ինչպիսիք ժամանակին եղել են Ռոնալդինյոն ու Ռոնալդոն: Նրանք ինձ համար միշտ էլ օրինակ են եղել: Պետք է ասել, որ «Սանտոսից» հեռանալու ու «Բարսելոնա» տեղափոխվելու որոշումներն ինձ հեշտ չտրվեցին: Ես պետք է որոշում կայացնեի ընտանիքիս հետ,- ասել է բրազիլացին: