Իգուաինը շատ մոտ է «Յուվենտուս» տեղափոխվելուն

«Ռեալի» արգենտինացի հարձակվող Գոնսալո Իգուաինը արդեն հաջորդ շաբաթվա ընթացքում կարող է պաշտոնապես դառնալ «Յուվենտուսի» ֆուտբոլիստ:

Ըստ խաղացողի գործակալ Էռնեստո Բրոնցետիի խոսքերի’ շանսերը, որ իր հաճախորդի կհամալրի Իտալիայի չեմպիոնի կազմը, շատ բարձր են:

-Ես կարող եմ 50-60% կամ նույնիսկ 70% տալ նրա համար, որ Իգուաինը կտեղափոխվի «Յուվենտուս»: Ես կասկածներ չունեմ, որ նա կհեռանա Մադրիդից, քանի որ ցանկանում է փոխել մթնոլորտը:

Մարոտան, Պարատիչին ու Կոնտեն մեկնել են Մադրիդ ու բանակցություններ վարել, որոնք դեռևս շարունակվում են: Տեսնենք’ ինչպես կզարգանա իրավիճակը հունիսի սկզբին,- ասել է գործակալը:

Տեղեկացնենք, որ «Ռեալը» Իգուաինի դիմաց ցանկանում է ստանալ 25 մլն. եվրո, իսկ թուրինցիները փորձում են գործարքի մեջ ներգրավվել պաշտպան Ստեֆան Լիխտշտայներին: