«Բարսելոնայի» երկրպագուները նախընտրում են Հյումելսին

Իսպանական Marca-ն «Բարսելոնայի» երկրպագուների շրջանում հարցում է անցկացրել’ պարզելու նրանց կարծիքը’ կապված թիմի նոր կենտրոնական պաշտպանի հարցի հետ:

Արդյունքները ցույց են տվել, որ կատալոնական ակումբի համակիրների մեծամասնությունը նախապատվությունը տալիս են Դորտմունդի «Բորուսսիայի» պաշտպան Մատս Հյումելսին: Գերմանիայի հավաքականի ֆուտբոլիստի օգտին է քվեարկել հարցվածների 39%-ը: Եվս 34,2% ձայն է ստացել «ՊՍԺ»-ի ներկայացուցիչ Տիագու Սիլվան, իսկ «Չելսիից» Դավիդ Լուիսը’ 18,2%: Ինչ վերաբերում է «Ռոմայից» Մարկոս Մարկինյոսին, ապա նրան «կապտանռնագույնների» կազմում է ցանկացել տեսնել 8,5%-ը: