Ֆալկաոյի պայմանագրում «Ռեալ» տեղափոխվելու կետ չկա
Նմանատիպ
«Մոնակոյի» սպորտային տնօրեն Վադիմ Վասիլյեվը մեկնաբանել է «Ատլետիկոյի» հարձակվող Ռադամել Ֆալկաոյի’ մոնեգասկեցիների կազմ տեղափոխության մասին լուրերը:
-Մենք, իրոք, տրանսֆերը իրականացնելու ճանապարհին ենք, սակայն աշխատանքը դեռ չի ավարտվել: Կան որոշ մանրամասներ, որոնք պետք է հստակեցնել:
Ֆալկաոն’ աշխարհի լավագույն ֆուտբոլիստներից մեկն է, ու մենք, բնականաբար, շատ ուրախ կլինենք նրան տեսնել մեր թիմում: Անձամբ Ֆալկաոն հավատում է «Մոնակոյի» ապագային:
Ճիշտ է, որ Ֆալկաոյի պայմանագրում կլինի կետ’ «Ռեալ» տեղափոխվելու հետ կապվա՞ծ. կարող եմ հաստատ ասել, որ այդպիսի բան չկա: Մենք պատրաստվում ենք հզոր թիմ ստեղծել, այլ ոչ թե խաղացողներին գնել մեկ տարվա համար,- ասել է Վասիլյեվը:
Հիշեցնենք’ ավելի վաղ տեղեկացվում էր, որ կոլումբիացին ֆրանսիական ակումբում ստանալու է տարեկան 14 մլն. եվրո աշխատավարձ: Տրանսֆերը կգնահատվի 45 մլն. եվրո:
Հետևեք մեզ նաև Telegram-ում