Հենրիխ Մխիթարյանը` «Շախտյորի» առաջատար. փաստեր

Դոնեցկի «Շախտյորի» պաշտոնական կայքը ամփոփել է 2012/13 մրցաշրջանը` ներկայացնելով ֆուտբոլիստների վիճակագրական տվյալները:

Հայաստանի ազգային հավաքականի կիսապաշտպան Հենրիխ Մխիթարյանը ներկայացված ցուցանիշներով առաջատարն է:

2012/13 մրցաշրջանում Հենրիխը «Շախտյորում» ամենաշատ խաղաժամանակ ստացած ֆուտբոլիստն է` 2507 րոպե, մասնակցել է 29 խաղի:
Խփել է ռեկորդային 25 գոլ, ընդ որում ձևակերպելով 1 հեթ-տրիկ, 6 դուբլ,  և ընդամենը մեկ 11 մետրանոց հարվածի իրացում:

Հայ ֆուտբոլիստը 4 հաղթական գոլի և 2 հաղթական գոլային փոխանցման հեղինակ է (գոլային փոխանցումների ընդհանուր թիվը` 6 է), իսկ զգուշացումների թիվն ընդամենը 5 է: