«Բարսելոնայի» ու Բրազիլիայի հավաքականի հարձակվող Նեյմարը Անգլիայի հավաքականին լուրջ մրցակից չի համարում իր ընտրանու համար’ Մունդիալ-2014-ի ժամանակ: Հիշեցնենք’ վաղը այս երկու հավաքականները հանդիպելու են ընկերական խաղի շրջանակներում:
-Հարգում եմ անգլիացի շատ խաղացողների’ իրենց ակումբներում ցուցադրած խաղի համար, սակայն չեմ կարծում, որ Անգլիան կարող է լուրջ մրցակցություն մղել Աշխարհի առաջնությունում:
Մենք ցանկանում ենք հաղթել Մունդիալը մեր երկրպագուների աչքերի առջև, իսկ ամենավտանգավոր մրցակիցները, իմ կարծիքով, Իսպանիան ու Գերմանիան են: Նրանցից հետո գալիս են Արգենտինան, Իտալիան, Հոլանդիան ու ևս մեկ կամ երկու հավաքականներ: Իսկ Անգլիայի մասին ես նույնիսկ չեմ մտածում,- ասել է Նեյմարը:
