«Ռեալի» նախագահը հաստատել է` Մոուրինյոն կգլխավորի «Չելսին»

«Ռեալի» նախագահ Ֆլորենտինո Պերեսը հաստատել է, որ մադրիդյան ակումբի արդեն նախկին գլխավոր մարզիչ Ժոզե Մոուրինյոն մարզչական կարիերան կշարունակի «Չելսիում», հաղորդում են բրիտանական ԶԼՄ-ները:

Այն մասին, որ 2012/13 թթ. մրցաշրջանից հետո պորտուգալացին կլքի «Արքայական» ակումբը, պաշտոնապես հայտարարվել է դեռ մայիսի 20-ին: Մասնագետի նոր աշխատավայրի մասին պաշտոնապես չի հաղորդվում:

Մոուրինյոյի գլխավորությամբ վերջին հանդիպումը «Ռեալը» անցկացրեց հունիսի 1-ին, երբ Իսպանիայի առաջնության եզրափակիչ’ 38-րդ տուրում մադրիդցիները 4-2 հաշվով հաղթեցին «Օսասունային»: