Նանին կարող է դառնալ «Մոնակոյի» հաջորդ նորեկը

«Մանչեսթեր Յունայթեդի» կիսապաշտպան Նանին այս ամառ կարող է համալրել «Մոնակոյի» կազմը, որը պորտուգալացու համար պատրաստ է վճարել 23 մլն. եվրո:

Ֆրանսիական առաջին լիգայի նորեկն արդեն ձեռք է բերել Ջեյմս Ռոդրիգեսի, Ժոաո Մոուտինյոյի, Ռիկարդու Կառվալյուի ու Ռադամել Ֆալկաոյի նման աստղային ֆուտբոլիստների, ու Նանին շուտով կարող է միանալ նրանց, հաղորդում է Daily Mirror-ը:

Տեղեկացվում է, որ մանկունյական ակումբի նոր գլխավոր մարզիչ Դևիդ Մոյեսը որոշել է ազատվել 26-ամյա պորտուգալացուց, ով անցած մրցաշրջանում Պրեմիեր լիգայում ընդամենը յոթ անգամ է դաշտ դուրս եկել հիմնական կազմում ու խփել է մեկ գոլ:

Ավելացնենք’ Նանին «Յունայթեդի» կազմում հանդես է գալիս 2007 թվականից: Այդ ընթացքում նա անցկացրել է 215 հանդիպում ու դարձել 39 գոլի հեղինակ: