Լոնդոնի «Չելսին» պաշտոնապես հայտարարել է թիմի գլխավոր մարզչի պաշտոնում Ժոզե Մոուրինյոյի նշանակման մասին: Պորտուգալացին ակումբի հետ կնքել է չորս տարվա պայմանագիր:
Մոուրինյոյի վերջին աշխատավայրը եղել է Մադրիդի «Ռեալը», որտեղից նա երկկողմ համաձայնությամբ հեռացավ 2012/13 թթ. մրցաշրջանից հետո:
«Առանձնահատուկը» «ազնվականների» մարզչական նստարանը գլխավորել է նաև անցյալում’ 2004-2007 թվականներին: Նրա գլխավորությամբ լոնդոնցիները երկու անգամ հաղթել են Պրեմիեր լիգան ու Լիգայի գավաթը, ինչպես նաև դարձել Անգլիայի գավաթի ու Սուպերգավաթի հաղթող:
