Նորայր Ասլանյան. Մենք լավ թիմ ենք, կարող ենք հաղթել

Այսօր Հայաստանի ազգային հավաքականն ԱԱ-2014 ընտրական փուլի Մալթայի հետ խաղից առաջ «բաց» մարզում անցկացրեց Ավանի Ֆուտբոլի ակադեմիայում: Մարզումից հետո լրագրողների հարցերին պատասխանեց Նորայր Ասլանյանն, ով առաջին անգամ է ժամանել Հայաստան:

«Սպասելիքներս այլ էին. չէի պատկերացնում, որ այսպիսի ակադեմիա, մարզադաշտեր կլինեն: Նման մարզադաշտեր չեմ տեսել անգամ Հոլանդիայում: Ֆուտբոլը ֆուտբոլ է, ամեն ինչ կարող է պատահել, բայց մենք Մալթայից ուժեղ ենք եւ պետք է հաղթենք նրանց: Դանիային էլ կարող ենք հաղթել: Մենք ուժեղ թիմ ենք ու կարող են վեց միավոր վաստակել առաջիկա խաղերում:

Կարճ ժամանակ անցկացրինք Ֆրանսիայի հավաքի ընթացքում: Սակայն հիմա երկար է ժամանակը բոլորի հետ արդեն հասցրել եմ ընկերանալ»,-Ասլանյանի խոսքերը մեջբերում է Allsport.am-ի թղթակիցը: