Պերես. Անչելոտին համապատասխանում է «Ռեալի» մշակույթին

Մադրիդի «Ռեալի» նախագահ Ֆլորենտինո Պերեսը նշել է, որ «ՊՍԺ»-ի գլխավոր մարզիչ Կառլո Անչելոտին համապատասխանում է մադրիդյան ակումբի մարզչի կարգավիճակին:

-Անչելոտին հիանալի համապատասխանում է «Ռեալի» մշակութին: Նա գիտի’ ինչպես աշխատել բարձր մակարդակի խաղացողների հետ’ լինելով լավ մասնագետ,- ասել է Պերեսը:

Հիշեցնենք’ «Արքայական» ակումբը հետաքրքրված է իտալացի մասնագետի ծառայություններով: Ակումբի մարզչական նստարանը գլխավորելու հարցում նախապատվությունը հենց նրա օգտին է եղել, երբ հայտնի դարձավ, որ Ժոզե Մոուրինյոն հեռանալու է Մադրիդից: