Իսպանական ԶԼՄ-ները հաղորդում են, որ Իսպանիայի ֆուտբոլի ֆեդերացիան արդեն որոշել է, թե երբ կմեկնարկեն և կավարտվեն Լա Լիգան, երկրորդ դիվիզոնի առաջնությունը և Գավաթի խաղարկությունը:
Իսպանիայի առաջնության առաջին տուրը կանցկացվի 2013 թվականի օգոստոսի 18-ին, իսկ վերջինը` 2014 թվականի մայիսի 18-ին` պայմանավորված 2014 թվականի Աշխարհի առաջնությամբ:
Երկրորդ դիվիզոնի հանդիպումները կմեկնարկեն 2013 թվականի օգոստոսի 18-ից և կավարտվեն 2014 թվականի հունիսի 8-ին:
Իսկ ահա Գավաթի խաղարկության առաջին հանդիպումները տեղի կունենան 2013 թվականի դեկտեմբերի 6-ին, 7-ին և 8-ին, եզրափակիչ խաղը կանցկացվի 2014 թվականի մայիսի 7-ին:
