Մյուլլեր. Սխալ է ինձ համեմատել Մեսսիի հետ

«Բավարիայի» կիսապաշտպան Թոմաս Մյուլլերը նշել է, որ ինքը ամենից շատ պայքար է մղում թիմային տիտղոսների համար, հաղորդում է գերմանական մամուլը:

Գերմանացին այդպես է պատասխանել այն հարցին, թե «Ոսկե գնդակի» այս տարվա խաղարկությունում կարող է արդյոք մրցակցել «Բարսելոնայի» հարձակվող Լիոնել Մեսսիի հետ:

-Եթե ես Չեմպիոնների լիգայում խփել եմ նույնքան գնդակ, որքան Մեսսին, ապա դա դեռ չի նշանակում, որ համարվում եմ նրա մակարդակի խաղացող: Ես արդեն շատ գոհ եմ այն կարողություններից, որոնք ունեմ ու որոնց շնորհիվ կարողացա հաղթել Չեմպիոնների լիգայում,- ասել է Մյուլլերը:

Հիշեցնենք’ «Բավարիան»’ արդեն նախկին գլխավոր մարզիչ Յուպ Հայնկեսի գլխավորությամբ ավարտված մրցաշրջանում հաղթեց Բունդեսլիգայում, Չեմպիոնների լիգայում ու Գերմանիայի գավաթում: