Պույոլը, չիմանալով` խոսում է լրագրողի հետ, հայտնել է Վիլյայի հեռանալու մասին

«Բարսելոնայի» հարձակվող Դավիդ Վիլյան կլքի կատալոնական ակումբը, հաղորդում է իսպանական մամուլը: Այս մասին հայտնել է թիմի ավագ Կառլես Պույոլը: Իսպանիայի հավաքականի ֆուտբոլիստը եղել է Նյու-Յորքում ու ճաշել ռեստորանում: Նրան մոտեցել է մի մարդ ու հարցեր տվել «Բարսելոնայի» մասին: Պույոլը կարծել է’ նա երկրպագու է, սակայն, փաստորեն, այդ անձը եղել է բրազիլացի լրագրող Ֆաբիո Սորմանին: Վերջինս, մասնավորապես, հետաքրքրվել է Վիլյայի ապագայից: Պույոլը նրան ասել է, որ իր թիմակիցը լքելու է Կատալոնիան:

Հիշեցնենք’ Վիլյան ավելի վաղ անձամբ էր նշել, որ «Բարսելոնայում» իրեն շատ լավ է զգում, իսկ ապագայի մասին կմտածի Կոնֆեդերացիաների գավաթի խաղարկությունից հետո: