Հայաստանի հավաքականը կրկին չարդարացրեց սպասելիքները (տեսանյութ)

Երևանի Վազգեն Սարգսյանի անվան «Հանրապետական» մարզադաշտում Հայաստանի ֆուտբոլի ազգային հավաքականը 2014 թվականի Աշխարհի առաջնության ընտրական մրցաշարի շրջանակներում ընդունեց Մալթային: 

Մեկնարկային կազմը շատերին անակնկալի բերեց: Չեխիայից կրած խոշոր հաշվով պարտությունից հետո Վարդան Մինասյանը պաշտպանությունում որևէ փոփոխություն չէր կատարել…

Խաղի մեկնարկնը ևս անսպասելի էր. 8-րդ րոպեին Միխալ Միֆսուդը օգտվեց պաշտպանների սխալից ու գրավեց Ռոման Բերեզովսկու դարպասը: Բաց թողած գոլից հետո էլ Վարդան Մինասյանի սաները տիրեցին տարածքային նախաձեռնությանը, բայց ոչ մի կերպ չկարողացան գրավել մրցակցի դարպասը:

Երկրորդ խաղակեսում խաղադաշտ դուրս եկավ մեկնարկային կազմից բացակայող Յուրա Մովսիսյանը, սակայն նա էլ չկարողացավ օգնել թիմին: Հայաստանի ազգային հավաքականը 3 միավոր է նվիրում մինչ այս 0 միավոր ունեցող Մալթայի հավաքականին:

Հայաստան-Մալթա՝ 0:1

Հավելենք՝ Բ խմբի պատկերն այսպիսին է՝

Իտալիա  13

Բուլղարիա 10

Չեխիա 8

Դանիա  6

Հայաստան  3

Մալթա  3