Մալթայի հավաքականի մարզիչ Գեդին. Սա մեր առաջին մեծ հաղթանակն էր

Մալթայի հավաքականի գլխավոր մարզիչ Պյետրո Գեդինին հետխաղյա մամուլի ասուլիսում նշեց, որ թե՛ Մալթայի, թե՛ Հայաստանի հավաքականները լավ էին խաղում:

-Մեր ընտրած մարտավարությունն արդարացրեց իրեն: Երկուսս էլ գոլ խփելու հնարավորություններ ունեինք, բայց արդյունքում մենք հաղթեցինք: Մեր մարտավարությունը նույնն էր՝ 4-2-3-1:

Որպես Մալթայի հավաքականի գլխավոր մարզիչ՝ սա մեր առաջին մեծ հաղթանակն էր: Անկեղծ ասած, շատ չեմ մտահոգվում այն հարցով, որ մեր դարպասին շատ են հարվածներ լինում: Մեր մարտավարությունը հիմնված է հակագրոհների վրա:

Վերջին հաղթանակը Մալթայի եղել է 2006-ին՝ Հունգարիայի հետ խաղում: Այսօր Հայաստանի հավաքականի բախտը մի քիչ չբերեց, մենք էլ կարողացանք դիմադրել և հաղթել: Հայաստանի հավաքականից կառանձնացնեմ Հենրիխ Մխիթարյանին,-լրագրողների հարցերին պատասխանելիս նշեց Գեդինը: