«Ռեալը» 26 մլն. եվրո է առաջարկում «Ռոմայի» պաշտպանի համար
24/06/2013 14:37
Կարդացեք նաև
Մադրիդի «Ռեալը» պայքարում է «Ռոմայի» պաշտպան Մարկինյոսի ձեռքբերման համար:
19-ամյա տաղանդավոր ֆուտբոլիստը մասնակցել է Ա Սերիայի նախորդ առաջնության 26 հանդիպման ու իր հասուն խաղով գրավել է եվրոպական մի շարք գրանդ ակումբների ուշադրությունը:
Նրան գնելու գլխավոր հավակնորդներից մեկը Մադրիդի «Ռեալն» է: «Արքայական» ակումբը բրազիլացու համար ավելի վաղ առաջարկել էր 20 մլն. եվրո, սակայն հռոմեացիները պատասխանել էին մերժումով:
Երկարատև քննարկումներից հետո Իսպանիայի փոխչեմպիոնները որոշել են ֆուտբոլիստի համար ևս մեկ առաջարկ կատարել: Ըստ իսպանական մամուլի’ «Ռեալն» արդեն 26 մլն. եվրո արժողությամբ գործարք է առաջարկել «Ռոմային»: Մարկինյոսի տրանսֆերի վերաբերյալ բանակցությունները շարունակվում են:
Հետևեք մեզ նաև Telegram-ում