«Hollywood Non-Stop». Հայաստանի պետական երիտասարդական նվագախումբը ներկայացնում է համերգային նոր ծրագիր
Նմանատիպ
Հայաստանի պետական երիտասարդական նվագախումբը և Հայաստանում Ամերիկայի Միացյալ Նահանգների դեսպանատունը մարտի 15-27-ը Երևանի 8 բարձրագույն ուսումնական հաստատություններում հանդես կգան «Երիտասարդները երիտասարդների համար» համատեղ նախագծով: Այս մասին հայտնում են Հայաստանի պետական երիտասարդական նվագախմբի մամլո ծառայությունից:
Այս համերգները նշանավորում են հայ-ամերիկյան դիվանագիտական հարաբերությունների 20-ամյակը:
Հայաստանի պետական երիտասարդական նվագախումբը, գեղարվեստական ղեկավար ու գլխավոր դիրիժոր Սերգեյ Սմբատյանի ղեկավարությամբ, «Hollywood Non-Stop» խորագրով կներկայացնի արդեն դասական համարվող «Խիզախ սիրտը», «Վեստսայդյան պատմություն», «Կարիբյան ծովի ծովահենները» և այլ հոլիվուդյան հայտնի ֆիլմերի երաժշտությունը, ինչպես նաև ամերիկյան կոմպոզիտորական արվեստի վառ ներկայացուցիչներ Ջորջ Գերշվինի, Լեոնարդ Բերնշտեյնի, Ջոն Վիլիամսի և այլ հանրահայտ կոմպոզիտորների երկերը: Այս համատեղ ծրագիրն ունի մեկ նպատակ` հարուստ և հագեցած երաժշտությամբ հայ երիտասարդությանը ավելի մոտեցնել և հաղորդակից դարձնել ամերիկյան երաժշտարվեստին:
Այս առիթով մարտի 14-ին ժամը 12-ին Կոմիտասի անվան պետական կոնսերվատորիայի 3-րդ հարկի 301 սենյակում տեղի կունենա Հայաստանի պետական երիտասարդական նվագախմբի` գեղարվեստական ղեկավար և գլխավոր դիրիժոր Սերգեյ Սմբատյանի և Հայաստանում Ամերիկայի Միացյալ Նահագների դեսպանատան հասարակայնության հետ կապերի բաժնի ղեկավար`Քերին Ի. Ռոբլիի մամուլի ասուլիսը:
«Hollywood Non-Stop»խորագրով համերգաշարի առաջին համերգը տեղի կունենամարտի 15-ին ժամը 14:00-ին` Երևանի պետական համալսարանի կենտրոնական մասնաշենքի մեծ դահլիճում (2-րդ հարկ):
Times.am-ը ներկայանցնում է նաև սպասվող համերգների ծրագիրն, ինչպես նաև համերգների վայրը և ժամը համապատասխան ցանկով:
Ծրագրում՝
Ջոն Վիլյամս – Երաժշտություն ‹‹Շինդլերի գրառումները›› կինոֆիլմից
Ջոն Վիլյամս – Երաժշտություն ‹‹Աստղային պատերազմներ›› կինոֆիլմից
Ջոն Վիլյամս – Երաժշտություն ‹‹Հարի Փոթեր›› կինոֆիլմից
Ջոն Վիլյամս – Երաժշտություն ‹‹Ջուրասիկ այգին›› կինոֆիլմից
Էնիո Մորիկոնե – Երաժշտություն ‹‹Առաքելություն›› կինոֆիլմից
Էնիո Մորիկոնե – Երաժշտություն ‹‹Մեկ անգամ Ամերիկայում›› կինոֆիլմից
Նինո Ռոտա – Երաժշտություն ‹‹Կնքահայրը›› կինոֆիլմից
Նինո Ռոտա – Երաժշտություն ‹‹Ռոմեո և Ջուլիետ›› կինոֆիլմից
Ջեյմս Հորներ – Երաժշտություն ‹‹Խիզախ սիրտը›› կինոֆիլմից
Հանս Ցիմմեր – Երաժշտություն ‹‹Կարիբյան ծովի ծովահենները›› կինոֆիլմից
Լեոնարդ Բերնսթայն – Երաժշտություն ‹‹Վեսթսայդյան պատմություն›› կինոֆիլմից
Հովարդ Շոր – Երաժշտություն ‹‹Մատանիների տիրակալը›› կինոֆիլմից
Լալո Շիֆրին – Երաժշտություն ‹‹Առաքելություն. չի կատարվել›› կինոֆիլմից
Մոնտի Նորման – Երաժշտություն ‹‹Մեռիր, բայց ոչ հիմա›› կինոֆիլմից
Գրեգ Քեմփ – Երաժշտություն ‹‹Շրեկ›› մուլտֆիլմից
Հենրի Մանցինի – Երաժշտություն ‹‹Նախաճաշ Տիֆանիի մոտ›› կինոֆիլմից
Ջորջ Գերշվին – Երաժշտություն ‹‹Ամերիկացին Փարիզում›› կինոֆիլմից
Ջորջ Գերշվին – Հատված ‹‹Կապույտ ռապսոդիա›› ստեղծագործությունից
Ջորջ Գերշվին – Հատվածներ ‹‹Պորգի և Բես›› օպերայից
|
1. |
Մարտի 15 ժամը 14:00 |
Երևանի պետական համալսարանի կենտրոնական մասնաշենքի գլխավոր դահլիճ |
|
2. |
Մարտի 16 ժամը 16:00 |
ՀՀ ԳԱԱ նախագահության նիստերի դահլիճ` գիտակրթական միջազգային կենտրոն |
|
3. |
Մարտի 19 ժամը15:00 |
Երևանի թատրոնի և կինոյի պետական ինստիտուտ /Ուսումնական թատրոն/ |
|
4. |
Մարտի 20 ժամը 15:00 |
Հայաստանի պետական ճարտարագիտական համալսարան |
|
5. |
Մարտի22 ժամը 15:00 |
Երևանի Մխիթար Հերացուանվան պետական բժշկական համալսարան |
|
6. |
Մարտի 23 ժամը14:30 |
Հայ-Ռուսական Սլավոնական համալսարան |
|
7. |
Մարտի 26 ժամը 14:30 |
Երևանի Խաչատուր Աբովյանի անվան պետական մանկավարժական համալսարան |
|
8. |
Մարտի 27 ժամը 17:00 |
Հայաստանի ամերիկյան համալսարան |
