Օգբոննա. Իմ սիրտը պատկանում է ֆուտբոլին

Այսօր «Յուվենտուսի» նորեկ Օգբոննան թուրինյան ակումբում առաջին պաշտոնական մամուլի ասուլիսին է մասնակցել: Լրագրողների այն հարցին, թե արդյոք բա՞րդ չէ Թուրինի մի ակումբից մյուսը տեղափոխվելը, ֆուտբոլիստը պատասխանել է.

-Ես ֆուտբոլիստ եմ և պրոֆեսիոնալ եմ. դա միշտ եմ ընդգծում: Իմ սիրտը պատկանում է ֆուտբոլին, իսկ ֆուտբոլն ամենուր է: Ֆուտբոլ խաղում են ամբողջ աշխարհում: Մեկ խոսքով, իմ տեղափոխությունը պայմանավորված էր ավելի բարձրակարգ ակումբում հանդես գալու ցանկությամբ և ոչ թե որևէ մեկին դավաճանելով: