Նեմո Օզիլը, Տարզան Ռամոսը, Կատու Բենզեման…«Ռեալի» ֆուտբոլիստների մականունները

Ավելի վաղ ներկայացրել ենք մի շարք հանրահայտ ֆուտբոլիստների մականուններ, այս անգամ անդրադառնում ենք «Ռեալի» որոշ ֆուտբոլիստների «երկրորդ անուններին»:

Իկեր Կասիլյաս- Նրան անվանում են Գալակտիկո, Դինյա, Capi, սակայն առավել հաճախ San Iker-այսինքն’ Սուրբ Իկեր:

Բենզեմա-Մեսյո, Առյուծ (León), Կատու (Իսպաներեն’ Gato), իսկ թիմակիցները պարզապես Բենզ-ով են դիմում ֆրանսիացուն:

Մեսութ Օզիլ-Խոշոր աչքերի համար նրան անվանում են Նեմո: Թիմակիցները Օզիլի հետ հաճախ են կատակում’ ասելով, թե նա խաղադաշտը լավ է տեսնում և գրագետ գործում, միայն խոշոր աչքերի շնորհիվ: Օզիլին երբեմն անվանում են նաև գերմանական Զիդան, Մոցարտ:

Կրիշտիանու Ռոնալդուին հանդերձարանում անվանում են մեքենա (Máquina), կարծես նա ինժեներական աշխատանքի արդյունք է: Սերխիո Ռամոսը մի առիթով ասել է, որ Ռոնալդուին կարճ դիմում են նաև Ռոննի, Ռոն, Կրիս:

Անխել դի Մարիա-Նրան դիմում են Անխելիտո-ով, իսկ առավել հայտնի է մակարոն մականունը’ նիհարության պատճառով: Իսպանիայում Անխել դի Մարիայի նման նիհար մարդկանց ասում են նաև Fideo:

Ռաֆայել Վարան-Երիտասարդ ֆրանսիացուն անվանում են ընձուղտ:

Խաբի Ալոնսո-Փորձառու իսպանացին ստացել է Մաեստրո մականունը:

Ալվարո Արբելոա-Իսպանացի ֆուտբոլասերները նրան անվանում են Twitter-ի արքա, սակայն Ալվարոն վերջին շրջանում այնքան էլ ակտիվ չէ վերոնշյալ սոցիալական հարթակում: Արբելոային ասում են նաև Սպարտակցի:

Սերխիո Ռամոս-Կուկի, Գայլ Ռեմբո, Տարզան, Կոմանչի (հնդկական ցեղ)’ ահա այսպիսի բազմազան մականուններ ունի Ռամոսը:

Եթե գիտեք այլ մադրիդցիների մականուններ, կարող եք գրել մեկնաբանություններ 🙂