Նախագահը շնորհավորել է Հայաստանի քրդական համայնքին՝ Նովրուզի առթիվ
21/03/2012 16:09
Նմանատիպ
Նախագահ Սերժ Սարգսյանի շնորհավորական խոսք է հղել Հայաստանի քրդական համայնքին՝ Նովրուզի առթիվ, հաղորդում են նախագահի մամլո ծառայությունից: Times.am-ը ներկայացնում է նախագահի ուղերձն ամբողջությամբ.
«Ջերմորեն շնորհավորում եմ Հայաստանի քրդական համայնքին Նովրուզի կապակցությամբ:
Այս պայծառ տոնը թող ուրախություն և երջանկություն բերի յուրաքանչյուր քրդական ընտանիքի: Մաղթում եմ, որ գարնան ու զարթոնքի հետ իրականանան ձեր լավագույն իղձերն ու նպատակները, և հաջողություններ արձանագրվեն թե՛ ներհամայնքային, թե՛ մեր երկրի՝ մեր ընդհանուր տան հանրային կյանքի բոլոր ասպարեզներում: Մենք մեր հերթին պատրաստ ենք համակողմանի աջակցություն ցուցաբերել ծագող խնդիրների լուծման գործում:
Հարգելի՛ քուրդ հայրենակիցներ,
Ձեր հոգսերը բոլորիս հոգսերն են, և ձեր ուրախությունը բոլորիս ուրախությունն է:
Կրկին շնորհավորում եմ ձեզ և մաղթում ամենայն բարիք»:
Հետևեք մեզ նաև Telegram-ում
