«Ժառանգության» նախընտրական շտաբը ղեկավարելու է Խաչատուր Քոքոբելյանը

Երեկ «Ժառանգության» համամասնական ցուցակի առաջատար Րաֆֆի Հովհաննիսյանը հայտարարել է մայիսի 6-ին տեղի ունենալիք ԱԺ ընտրությունների նախընտրական շտաբի ձեւավորման մասին:

Ինչպես հաղորդում են «Ժառանգության» նախընտրական շտաբի լրատվական ծառայությունից, այն տեղակայվելու է Բաղրամյան պողոտայի եւ Մոսկովյան փողոցի հատման վայրում` Մոսկովյան 31, տարածք 172 հասցեում:

Շտաբի պետ է նշանակվել Խաչատուր Քոքոբելյանը, տեղակալներ`Գեւորգ Կալենչյանը եւ Հովհաննես Ղազարյանը: Քաղաքական խորհրդականներն են Կարապետ Ռուբինյանը, Ալեքսանդր Արզումանյանը եւ Ռուբեն Հակոբյանը, նախընտրական ծրագրի պատասխանատուն` Ստեփան Սաֆարյանը, մամուլի խոսնակը`Հովսեփ Խուրշուդյանը: ԿԸՀ–ում «Ժառանգության» ներկայացուցիչը կլինի Արմեն Թորոսյանը, կամավորականների աշխատանքի համակարգողները` Անուշ Սեդրակյանն ու Սուսաննա Բարխուդարյանը: