«ԲԿՄԱ»-յի և «Բավարիայի» նախկին հարձակվող Իվիցա Օլիչը, ով այժմ հանդես է գալիս «Վոլֆսբուրգում», խոսել է ՉԼ շրջանակներում սպասվող բանակայինների և մյունխենցիների հանդիպման մասին։
«Հանդիպումն ինձ համար, իրոք, յուրահատուկ է։ Ե´ւ մեկ, և´ մյուս ակումբի հետ կապված միայն լավագույն հիշողություններ են մնացել, այդ իսկ պատճառով ոչ-ոքի արդյունք կուզենայի տեսնել։ Դա «ԲԿՄԱ»-յի համար ֆանտաստիկ արդյունք կլիներ։
Թեև «Բավարիան» այս մրցաշրջանում դեռ չի ցուցադրում այն ֆուտբոլը, որով անցյալ մրցաշրջանում գերազանցում էր անխտիր բոլորին, սակայն շարունակում է մնալ շատ ուժեղ ակումբ և ՉԼ ֆավորիտներից մեկը»,-ասել է Օլիչը։
