Սահմանային անցակետերում առկա խնդիրները քննարկվել են Կառավարությունում

«Մենք մշտական մոնիտորինգ ենք իրականացնում սահմանային անցակետերեում պարզելու, թե ինչպիսին է իրավիճակը և ինչպիսի խնդիրներ կան: Նախորդ տարի մեծ ջանքեր են ներդրվել անցակետերում իրավիճակն էապես բարելավելու համար: Արդյունքում դրական տեղաշարժեր են արձանագրվել»,- ասել է վարչապետը:

Կառավարության ղեկավարը հանձնարարել է համապատասխան գերատեսչությունների ղեկավարներին քայլեր ձեռնարկել լուծելու արձանագրված կադրային և տեխնիկական խնդիրները՝ անցակետերում հնարավոր հերթերից և խցանումներից խուսափելու նպատակով: