Հայաստանի պետական երիտասարդական նվագախումբն արժանացել է հատուկ մրցանակի

Հայաստանի պետական երիտասարդական նվագախմբի տեղեկատվական բաժնից հայտնում են, որ 2012 թվականի «Ազգային երաժշտական մրցանակաբաշխության» ամփոփմամբ` Հայաստանի պետական երիտասարդական նվագախումբը՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ, արժանացել է հատուկ մրցանակի՝ հայկական մշակույթը Եվրոպայում ներկայացնելու համար:
Նշենք, որ Հայաստանի պետական երիտասարդական նվագախումբը 2011 թվականի սեպտեմբերին մեկնել էր Եվրոպա՝ «Եվրոտուր» հյուրախաղերի: Նվագախումբը համերգներով հանդես է եկել Բրյուսելում, Բեռլինում և Հաագայում՝ «Palais des beaux-arts», «Konzerthaus», «Dr. Anton Philipszaal/ Lucent Dantheater» աշխարհահռչակ համերգասրահներում:

Հետևեք մեզ նաև Telegram-ում