«Գոյություն ունեն ուժեր, որոնք Ադրբեջանին պատերազմի են դրդում: Ադրբեջանը պետք է դա գիտակցի և արցախյան հիմնախնդրի լուծման հարցում արդարացի և խաղաղ ճանապարհով ձեռք բերված որոշում կայացնի»: Այդ մասին հայտարարել է Եվրախորհրդարանի անդամ, Լիտվայի նախկին նախագահ Վիտալիս Լանդբերգիսը:
Նրա խոսքերով՝ Ադրբեջանը չպետք է կրկնի Վրաստանի սխալը, պետք է հանգիստ և համբերատար քայլեր ձեռնարկի, ուժեղացնի կապերը միջազգային կազմակերպությունների հետ և պարբերաբար մանրամասն տեղեկատվություն տրամադրի ԼՂ կոնֆլիկտի մասին:
«Եթե Ադրբեջանի և Հայաստանի միջև պատերազմը վերսկսի, դրանից կշահի միայն երրորդ կողմը, քանի որ վերջինս պատերազմող կողմերին կվաճառի զենք և զինամթերք: Այս խնդիրը ռազմական լուծում չունի, հնարավոր է միայն խաղաղ կարգավորում՝ միջազգային իրավունքի հիմնարար սկզբունքների շրջանակում»,- նշել է Վ.Լանդբերգիսը:
