Facebook սոցիալական ցանցում այսօր հարձակման է ենթարկվել ավելի քան 1,5 տարվա ակտիվ գործունեություն ծավալած «Քաղաքացիական հասարակություն»խումբը: Ինչպես իրենց գրառումներում նշում են խմբի ակտիվ օգտատերերը, ներկայումս ջնջված են «Քաղաքացիական հասարակության» բոլոր գրառումներն ու մեկնաբանությունները, իսկվերականգնելու հնարավորություն գրեթե չկա: «Ժողովուրդ, մեր խումբը շարքից դուրս են հանել, բոլոր նյութերը, ոնց հասկացա, ջնջել են, մենք աշխատում ենք այն վերականգնել», – նշում է Նինա Մարգարյանը:
Նշենք, որ «Քաղաքացիական հասարակությունը» տևական ժամանակ պաշտպանում էր «Բարգավաճ Հայաստան» կուսակցության քաղաքական շահերը: Չնայած այն հանգամանքին, որ խմբի ակտիվիստները բացառում էին այդ փաստը, այնուամենայնիվ Facebook-ում նրանց քաղաքականուղեգիծն ակնհայտ էր:
