Տոնական միջոցառումների առթիվ՝ կիրակի օրը մի շարք փողոցներում երթևեկությունը կդադարեցվի

Երևանի Քաղաքապետարանից տեղեկացնում են, որ «Երևանը գրքի համաշխարհային մայրաքաղաք» հռչակելու առիթով կազմակերպված միջոցառումների անցկացմամբ պայմանավորված՝ ապրիլի 22-ին որոշակի ժամանակահատվածներով կդադարեցվի տրանսպորտային միջոցների երթևեկությունը մայրաքաղաքի հետևյալ հատվածներում.

ժամը 15.00 – 19.00

Հանրապետության հրապարակում

ժամը 17.30 – 19.30

Մաշտոցի պողոտայի՝ Ամիրյան փողոցից մինչև Իսահակյան փողոցն ընկած հատվածում

ժամը 17.00 – 21.00

Շահումյան հրապարակում

ժամը 17.00 – 22.00

• Սայաթ Նովայի պողոտայի՝ Մաշտոցի պողոտայից մինչև Տերյան փողոցն ընկած հատվածում

• Տերյան փողոցի՝ Սայաթ Նովայի պողոտայից մինչև Թումանյան փողոցն ընկած հատվածում

• Թումանյան փողոցի՝ Աբովյան փողոցից մինչև Մաշտոցի պողոտա ընկած հատվածում

• Հյուսիսային պողոտայում

ժամը 22.00 – 24.00

Մաշտոցի պողոտայի՝ Մոսկովյան փողոցից մինչև Կորյունի փողոցն ընկած հատվածում

«Նշված ժամերին տրանսպորտային միջոցների՝ այդ թվում նաև հասարակական տրանսպորտի երթևեկությունը կկազմակերպվի հարակից փողոցներով։ Պատճառած անհարմարության համար հայցում ենք ձեր ներողամտությունը»,- ասվում է Քաղաքապետարանի տարածած հաղորդագրության մեջ: