Քաղցկեղը հաղթահարած թենիսիստը շարունակելու է խաղալ

Բրիտանացի թենիսիստ Ռոսս Հատչինսը ծանր հիվանդությունը հաղթահարելուց հետո վերադարձել է կորտ:

Նրա մոտ մեկ տարի առաջ լիմֆատիկ հանգույցների քաղցկեղ էին հայտնաբերել: Մարզիկը հեռացել էր թենիսից ու վերադարձի հույս չուներ, սակայն հիմա միացել է երկրի հավաքականին ու պատրաստվում է նոր մրցաշրջանին:

-Իմ կյանքի ամենահիասքանչ պահն է, երբ ես կարող եմ նորից ձեռքս վերցնել թենիսի ռակետը: Միանում եմ այս հիվանդության դեմ պայքարողներին ու կարծում եմ, որ միասին կարող ենք հետ մղել այն,-ասել է բրիտանացին: