Չեզարե Պրանդելի. Իտալական ֆուտբոլը երբեք այսքան անկում չէր ապրել

Իտալիայի ազգային հավաքականի գլխավոր մարզիչ Չեզարե Պրանդելին վշտացած է Չեմպիոնների լիգայում իտալական ակումբների ցուցադրած արդյունքից։

-Վիճակագրությունը խոսում է այն ամսին, որ իտալական ֆուտբոլը դեռ նման անկում չէր ունեցել։ Ես հիասթափված եմ ու վշտացած, քանի որ կարծում էի՝ մեր բոլոր ակումբները կանցնեն ՉԼ հաջորդ փուլ։ Սա կարևոր է նաև հավաքականի խաղի տեսանկյունից. դա խաղացողներին սեփական ուժերի հանդեպ վստահություն է հաղորդում։

«Յուվեն» ընդհանրապես չպետք է այդպես դաշտ դուրս գար, իսկ «Նապոլիի» դուրս մնալը պարզապես անհեթեթ էր։ Իհարկե, շատ եմ ափսոսում, նրանց բախտը մեծ հաշվով ուղղակի չբերեց։

Սակայն մենք պետք է մտածենք իտալական ֆուտբոլի որակի մասին։ Մենք այլևս աշխարհի ուժեղագույն ֆուտբոլային երկիրը չենք, և պետք է ընդունենք դա,-ասել է Պրանդելին։