Huawei-ի առաջին մեքենան. արդյո՞ք անիվների վրա սմարթֆոնը կդառնա մրցակից Tesla-ին և Porsche-ին

Ղեկի փոխարեն ղեկանիվը Tesla-ի սեփականատերերի համար դարձել է սովորական, իսկ հարյուրամյա պատմություն ունեցող ավանդական ավտոարտադրողները փորձում են ինչ-որ կերպ զարմացնել մեզ:

Այս համատեքստում, ավտոարդյունաբերության մեջ, կարծրատիպերը կոտրելու գործը ստանձնել է Չինաստանը: Բավական է հիշատակել Huawei ապրանքանիշի ներքո արտադրված առաջին քրոսովերը: Այո, սմարթֆոնների հայտնի արտադրողը սկսել է հետաքրքրվել մեքենաներով, և «անիվների վրա» այս գաջեթի հնարավորությունների շրջանակն արդեն իրականություն է դառնում։

Իսկ ի՞նչ կլինի Opel-ի, Fiat-ի կամ Peugeot-ի հետ, երբ այս չինական բեսթսելլերները գրավեն համաշխարհային շուկան: Անիվների վրա այս սմարթֆոնի հզորությունը 500 ձիաուժ է, ինչը թույլ է տալիս չորս վայրկյանում արդեն ընթանալ մինչև 100 կմ/ժ արագությամբ։ 

Մուլտիմեդիա համակարգի փոխարեն առկա է Huawei-ի գրեթե լիարժեք պլանշետ՝ սեփական «Harmony OS» օպերացիոն համակարգով, որի միջոցով հնարավոր է սելֆիներ անել, կարգավորել face ID-ն և նույնիսկ ընտրել սրահի օդափոխման համակարգի համար ցանկալի բույրը: Huawei Aito M5-ի ստեղծմամբ չինական այս ընկերությունը կարողացել է «փաթեթավորել» քրոսովերի մեջ ֆունկցիաների բավականին գրավիչ ընտրանի: