Սերժ Սարգսյան. «Մեզնից յուրաքանչյուրը ցանկանում է, որ իր քաղաքը գեղեցիկ լինի» (տեսանյութ)
Նմանատիպ
Ինչպես արդեն տեղեկացրել է Times.am գործակալությունը, Նախագահ Սերժ Սարգսյանն այսօր հանդիպման մեկնելիս կանգառ է ունեցել մայրաքաղաքի Մաշտոցի պուրակում: Հանրապետության ղեկավարը շրջել է պուրակում, դիտել նոր տեղադրված տաղավարները:
Հանրապետության ղեկավարին է մոտեցել նաև Մաշտոցի պուրակի բնապահպան ակտիվիստներից մեկը և Նախագահի կարծիքը հարցրել պուրակում ժամանակավորապես տեղադրված տաղավարների մասին: Սերժ Սարգսյանը տեղեկացրել է իր մոտեցման և քաղաքապետին տված ցուցումի վերաբերյալ՝ միաժամանակ ընդգծելով. «Այո՛, մեզնից յուրաքանչյուրը ցանկանում է, որ իր քաղաքը գեղեցիկ լինի, որ բոլոր բնապահպանական կանոնները պահպանվեն, բայց այդ ամբողջը պետք է անենք օրինական ճանապարհով: Սա՛ է իմ մոտեցումը»:
Նախագահ Սերժ Սարգսյանը Մաշտոցի պուրակում իրենց ծառայողական պարտականությունները կատարող ոստիկանների աշխատանքը ևս բարձր է գնահատել, շնորհակալություն հայտնել և ընդգծել, որ հասարակական կարգի պահպանման ուղղությամբ նրանք մի քանի քայլ առաջ են գնացել, ու դա տեսանելի է ինչպես իր, այնպես էլ մեր ամբողջ հանրության համար: Սերժ Սարգսյանը հորդորել է ոստիկաններին ձեռք բերվածը բավարար չհամարել, կանգ չառնել և անընդհատ կատարելագործվել:
