Գարեգին Նուշիկյան. «Անկախ ընտրությունների արդյունքներից, ես կլինեմ այնպիսին, ինչպիսին եղել եմ»

Աղայան-Աբովյան փողոցների հարակից տարածքում բարեկագրված այգու բացման վերաբերյալ Գարեգին Նուշիկյանի մամուլի ծառայությունից ստացված հաղորդագրությունից հետո փորձեցինք ճշտել թիվ 10 ընտրատարածքում առաջադրված պատգամավորի թեկնածուից, թե ի՞նչ գործունեություն է ծավալելու ընտրություններից հետո: Նա իր բազմաթիվ հարցազրույցներում նշել է՝ մայիսի 6-ից հետո գալու է մայիսի 7-ը: Կյանքն, անշուշտ շարունակվելու է:

– Պարոն Նուշիկյան, Ձեր բազմաթիվ հարցազրույցներում նշել եք, որ մայիսի 6-ից հետո գալու է մայիսի 7-ը: Անցած տարիների ընթացքում  Դուք աչքի  եք  ընկել բազմաթիվ բարեգործական ծրագրերի, բարեկարգվող  այգիներ և այլ  հանրօգուտ աշխատանքների հովանավորչությամբ: Ընտրություններից  հետո  ինչպե՞ս կդրսևորվի այդ գործելաոճը:

–Ընտրությունների արդյունքում հաղթելու դեպքում ես ձեռնամուխ կլինեմ օրենսդիր աշխատանքին, ուստի արդեն կզբաղվեմ այն  խնդիրներով, որոնց լուծումը կախված է օրենսդիր մարմնից`  տարբեր օրենքների վերանայում, նոր օրենքների նախաձեռնում ու ընդունում, ինչի արդյունքում էլ հնարավոր կլինի ավելի լավ պայմաններ ստեղծել մեր ժողովրդի գործունեության համար: Այս ամենով հանդերձ ես` որպես անհատ և Երևանի բնակիչ, չեմ կարող ուշադրություն չդարձնել իմ քաղաքին, ուստի, անկախ ընտրությունների արդյունքներից, ես կլինեմ այնպիսին, ինչպիսին  եղել եմ ու կամ: