Գարսիան դժգոհում է կազմակերպչական աշխատանքներից

«Ռոմայի» գլխավոր մարզիչ Ռուդի Գարսիան քննադատել է Իտալիայի առաջնության ղեկավարությանը գավաթի խաղարկությանը քիչ ուշադրություն դարձնելու համար:

Գարսիան ամոթալի է համարել այն հանգամանքը, որ գավաթի խաղարկության հանդիպումները տեղի են ունենում աշխատանքային օրերին, ոչ շատ ուշ ժամի: Մասնավորապես «Սամպդորիայի» դեմ առաջիկա խաղը կայանալու է տեղական ժամանակով 18:00-ին:

«Մենք ամեն ինչ կանենք հաջորդ փուլ անցնելու համար, բայց հանդիպումը սկսվելու է 18:00-ին, իսկ վաղը հիշեցնեմ` աշխատանքային օր է:

Եթե Իտալիայում ցանկանում են, որ գավաթի խաղարկությունը կարևոր մրցաշար լինի, ապա թող այն դրա ժամանակացույցը հարմարցնեն երկրպագուների համար»,-Գարսիայի խոսքերը մեջբերել է Gazzetta.it-ը: