Մասկերանո. Մեսսիի վերադարձը հրաշալի ստացվեց

«Բարսելոնայի» կիսապաշտպան Խավիեր Մասկերանոն Իսպանիայի գավաթի 1/8 եզրափակչում «Խետաֆեին» հաղթելուց հետո (4:0) մեկնաբանել է թիմի հարձակվող Լիոնել Մեսսիի վերադարձը վնասվածքից հետո։

-Մեսսիի վերադարձը հրաշալի ստացվեց։ Նա գերազանց կերպով ընդգրկվեց խաղի մեջ։ Երբ նա խփեց երկրորդ գոլը, ակնհայտ դարձավ, որ նա կրկին կարող է կիրառել իր բոլոր հնարքները։ Ես շատ ուրախ եմ, քանի որ վերջին երկու ամիսներն առանց նրա բավական բարդ ստացվեցին։

«Խետաֆեի» հետ դիմակայությունում դեռևս ամեն ինչ վճռված չէ։ Հյուրընկալվելիս մեզ պետք է այսօրվա սկսածն ավարտին հասցնել, և մենք լավ նախադրյալներ ունենք դրա համար,-հայտարարել է Մասկերանոն։