Ռուբեն Վարդանյանը պատասխանել է Բայրամովին

Արցախի պետնախարար Ռուբեն Վարդանյանը պատասխանելով Ադրբեջանի ԱԳ նախարար Բայրամովին՝ գրել է․ «Ուրախ եմ, որ իմ անձի շուրջ կա նման հետաքրքրություն։ Նշանակում է, որ ես ամեն ինչ ճիշտ եմ անում արցախցիների և մեր երկրի համար։ Ժամանակն է վերջացնել այս ամենը։ Ժամանակն է բացել ճանապարհը և Արցախի իշխանությունների հետ նստել բանակցությունների սեղանի շուրջ»։

Հիշեցնենք, որ այսօր Մոսկվայում կայացած ասուլիսի ժամանակ Բայրամովը հայտարարել էր, որ, իբր Վարդանյանի գործունեությունը կրում է հանցավոր և արկածախնդիր բնույթ։