2022թ-ի ամենադիտված 10 ֆիլմերը

Համաշխարհային կինոինդուստրիան կորոնավիրուսային համավարակի պատճառով լուրջ հարված ստացավ՝ ունենալով ֆինանսական ահռելի կորուստներ։ Այդուհանդերձ, 2022թ-ին նկարահանված ֆիլմերի համաշխարհային հասույթը սկսել է դրական դինամիկա դրսևորել՝ հասնելով 2008թ-ի մակարդակին։ Համեմատության համար նշենք, որ 2017-19թթ-ին համաշխարհային կինոարտադրության տարեկան հասույթը կազմել է տարեկան շուրջ 40 մլրդ․ դոլար, իսկ 2022թ-ին այն կազմել է ընդամենը 25․8 մլրդ․ դոլար, ինչը 38%-ով ավելի է 2021թ-ի արդյունքից։

Պետք է նաև նշել, որ համաշխարհային կինոարտադրության ամենաթանկարժեք նմուշները շարունակում են թողարկվել բացառապես ԱՄՆ-ում։

Ստորև ներկայացնում ենք 2022թ-ին ամենաշատ եկամուտ ունեցած ֆիլմերի տասնյակը․

1․ «Լավագույն հրաձիգը․ Մեվրիկ»

Երկիր –  ԱՄՆ

Հասույթը՝ 1.488.732.821$

Ռեժիսոր՝ Ջոզեֆ Կոսինսկի

Հոլիվուդյան էքշն ժանրի երբեք չծերացող աստղը՝ Թոմ Քրուզը գլխավոր դերում է. 170 մլն․ դոլար բյուջեով ֆիլմը պետք է էկրան բարձրանար ավելի վաղ, սակայն տեխնիկական, ֆինանսական ու բազում այլ պատճառներով ֆիլմի պրեմիերան կայացավ միայն 2022թ-ի մայիսին և ընդամենը 6 ամսում կարողացավ գեներացնել շուրջ 1.5 մլրդ. դոլար եկամուտ՝ դառնալով 2022թ-ի ամենաեկամտաբեր ֆիլմը։

2․ «Ավատար 2․ Ջրի ուղին»

Երկիր՝ ԱՄՆ

Հասույթ՝ 1,193,157,914$

Ռեժիսոր՝ Ջեյմս Քեմերոն

Աշխարհահռչակ ռեժիսոր Ջեյմս Քեմերոնի հանրահայտ ֆիլմի երկար սպասված 2-րդ մասը վստահաբար կգլխավորեր 2022թ-ի ամենաեկամտաբեր ֆիլմերի տասնյակը, եթե դրա պրեմիերան լիներ ոչ թե տարեվերջին՝ դեկտեմբերի կեսերին, այլ ավելի վաղ։ Փաստացի 15 օրում ֆիլմը ֆենոմենալ եկամտաբերություն է դրսևորել՝ ունենալով շուրջ 1․2 մլրդ․ դոլար հասույթ։ Սակայն ընթացիկ տեմպերը թույլ են տալիս կանխատեսել, ֆիլմն իր արդյունավետությամբ չի կարողանա գերազանցել «Ավատար»-ի 1-ին մասին, որը համարվում է բոլոր ժամանակների ամենամեծ եկամուտը գեներացրած կինոարտադրանքը (2.9 մլրդ․ դոլար)։

3․ «Յուրյան դարաշրջանի աշխարհ»․ Գերիշխում

Երկիր՝ ԱՄՆ

Հասույթ՝ 1․001․978․080$

Ռեժիսոր՝ Քոլին Թրեվորոու

185 մլն․ դոլար բյուջեով ֆիլմը, որը կորուսյալ աշխարհի մասին ֆիլմաշարի 6-րդ կինոժապավենն է 1993թ-ից, բավականին լավ հասույթ է ապահովել։ Կարևոր է նաև նշել, որ հանդիսատեսի կողմից այն ամենացածր ռեյտինգն ունի «Յուրյան Դարաշրջանի զբոսագի» և «Յուրյան դարաշրջանի աշխարհը» ֆիլմաշարերի մեջ։

4․ Դոկտոր Սթրենջը խելագարության մուլտիտիեզերքում

Երկիր՝ ԱՄՆ

Հասույթ՝ 955․775․804 $

Ռեժիսոր՝ Սեմ Ռեյմի

Ֆիլմը գեներացրել է գրեթե 1 մլրդ․ դոլարի եկամուտ, ինչն ավելի լավ արդյունք է Մարվելի վերջին շարքի ֆիլմերի համար, բացառությամբ «Մարդ Սարդը․ չկա ճանապարհ դեպի տուն» ֆիլմի։

5․ Մինյոններ․ Գռուի վերելքը

Երկիր՝ ԱՄՆ

Հասույթ՝ 939․628․210 $

Ռեժիսոր՝ Քայլ Բարդա

Ֆրանշիզայի հինգերորդ ֆիլմը քիչ է հետ մնում շարքի նախորդ ֆիլմերի եկամուտից, ինչը կարելի է շատ լավ արդյունք համարել ներկայիս միջավայրում: 80 միլիոն դոլար բյուջեով նկարահանված մուլտֆիլմը հավաքել է գրեթե մեկ միլիարդ դոլար վարձույթից:

6․ Սև Հովազը․ Հավերժ Վականդա

Երկիր՝ ԱՄՆ

Հասույթ՝ 810․268․513 $

Ռեժիսոր՝ Ռայան Քուգլեր

Խորհրդավոր Վականդայի և նրա հզոր պաշտպանի մասին երկրորդ ֆիլմը չկարողացավ կրկնել 2018թ-ին նկարահանված ֆիիլմի առաջին մասին ֆինանսական հաջողությունը, սակայն  ընդհանուր առմամբ ֆիլմը բավականին դրական է ընդունվել թե՛ քննադատների, թե՛ հեռուստադիտողների կողմից։

7․Բեթմեն

Երկիր՝ ԱՄՆ

Հասույթ՝ 770․836․163$

Ռեժիսոր՝ Մեթ Ռիվս

Սա Ռոբերտ Պատինսոնի և Զոի Կրավիցի մասնակցությամբ Բեթմենի պատմության ևս մեկ էկրանավորում է, որը, ի վերջո, պետք է վերածվի տրիոլոգիայի:

8․ Թոր․ Սեր և ամպրոպ

Երկիր՝ ԱՄՆ

Հասույթ՝ 760,928,081$

Ռեժիսոր՝ Տաիկա Վայիտիտի

Marvel Cinematic Universe-ի երրորդ ֆիլմը Թոփ 10-ում և չորրորդ ֆիլմը Թորի և նրա ընկերների մասին։ «Թոր․ Սեր և ամպրոպը» փոքր-ինչ զիջում էր Թորի մասին 2017 թվականի ֆիլմին, բայց գերազանցել է երկու առաջին ֆիլմերի հասույթը։

9․ «Ջրային դարպասների կամուրջը»

Երկիր՝ Չինաստան

Հասույթ՝ 626․571․697$

Ռեժիսորներ՝ Հարկ Ցուի, Կաիգե Չեն

Թոփ 10-ի առաջին չինական ֆիլմը միայն 8-րդ տեղում է՝ ի տարբերություն 2020-ի և 2021-ի, երբ նրանք առաջին եռյակում էին։ «Ջրային դարպասների կամուրջը», որը հայտնի է նաև որպես «Ճակատամարտ Չանջին լճի մոտ II», շարունակությունն է «Ճակատամարտ Չանջին լճի մոտ» ֆիլմի, որն անցյալ տարի զբաղեցրեց վարկանիշի երկրորդ հորիզոնականը:

10․ Լուսնի մարդը

Երկիր՝ Չինաստան

Հասույթ՝ 460․237․662 $

Ռեժիսոր՝ Չի Յու Ժանգ

Եվս մեկ չինական ֆիլմ դրամարկղային տասնյակում. Իհարկե, ինչպես «Ջրային դարպասների կամուրջի» դեպքում՝ ամբողջովին չինական դրամարկղի արդյունքում է գեներացրել իր հասույթը: «Լուսնի մարդը» կատակերգություն է թափթփված ինժեների մասին, ով մենակ է մնում լուսնային կայանում և պետք է փրկի Երկիրը մեծ աստերոիդի բախման հետևանքներից:

Հետևեք մեզ նաև Telegram-ում