«Բարսելոնայի» ղեկավարությունն Իսպանիայի առաջնության 23-րդ տուրից առաջ որոշել է դիմել առաջնության կարգապահական հանձնաժողովին` բողոքարկելով 22-րդ տուրի «Վալենսիայի» դեմ տնային հանդիպման (2:3) ժամանակ պաշտպան Խորդի Ալբայի երկրորդ դեղին քարտի համար:
Ալբան, դեղին քարտերի արժանանալով 52-րդ և 78-րդ րոպեներին, իր թիմին թողեց տասը հոգով, սակայն կատալոնական ակումբում կարծում են` երկրորդ դեղինն անտեղի էր: Կարգապահական հանձնաժողովի վերջնական որոշումը հայտնի կդառնա առաջիկա օրերի ընթացքում:
