Մադրիդի «Ռեալը» մտադիր է բողոքարկել հարձակվող Կրիշտիանու Ռոնալդուի կարմիր քարտը, որին ֆուտբոլիստն արժանացել էր Իսպանիայի առաջնության 22-րդ տուրում Բիլբաոյի «Ատլետիկի» հետ հանդիպման ժամանակ։
Ակումբում վախենում են կոշտ պատժամիջոցներից, որոնք սպառնում են պորտուգալացուն այդ խաղում նրա պահվածքի համար։
Հիշեցնենք, որ ֆուտբոլիստը հեռացվել էր Միկել Ռիկոյի գլխին հարվածելու համար։ «Արքայական» ակումբը մտադիր է որպես հիմնավորում օգտագործել այն, որ այդ պահին գնդակը խաղի մեջ չէր, ինչպես նաև այն, որ նրա գործողությունները չի կարելի որակել որպես հարված։ «Ռեալում» կարծում են նաև, որ չի կարելի ապացուցել, որ ֆուտբոլիստի որոշակի ժեստեր ուղղված էին չորրորդ պաշտոնյայի դեմ։
