Cadena Cope. Այսա Գամեսը որակազրկվել է
06/02/2014 23:41
Նմանատիպ
Իսպանական «AS» պարբերականը, հղում կատարելով «Cadena Cope» ռադիոկայանին, գրում է, որ մրցավար Այսա Գամեսը մեկ ամսով զրկվել է խաղեր սպասարկելու իրավունքից:
Ըստ աղբյուրի` Իսպանիայի ֆուտբոլի ֆեդերացիայի կարգապահական հանձնաժողովը նման որոշում է կայացրել Գամեսի` Իսպանիայի առաջնության 22-րդ տուրի «Ատլետիկ»-«Ռեալ» (1:1) հանդիպման ժամանակ կայացրած որոշումների համար: Խաղի ժամանակ Գամեսը կարմիր քարտ ցույց տվեց «Ռեալի» հարձակվող Կրիշտիանո Ռոնալդուին` որպես պատճառ արձանագրելով «Ատլետիկի» պաշտպան Կառլոս Գուրպեգիի նկատմամբ խաղի կանոնները խախտելը:
Սակայն խաղից հետո Գամեսը փոխել է Ռոանլդուին կարմիր քարտ ցույց տալու պատճառը` հայտարարելով, որ պորտուգալացուն կարմիր քարտ է ցույց տվել կիսապաշտպան Անդեր Իտուրրասպեի հետ վիճելու համար:
Հետևեք մեզ նաև Telegram-ում