Օսկանյանը փորձում է ճնշում գործադրել ԵԱՀԿ ԺՀՄԻԳ վրա

ԵԱՀԿ ԺՀՄԻԳ դիտորդների մամուլի ասուլիսը առանձնացավ մի շատ հետաքրքիր քաղտեխնոլոգիական նորամուծությամբ: ԲՀԿ թիվ երկուսը՝ Վարդան Օսկանյանը,իր մի շարք մտերիմների միջոցով փորձեց ուղղորդել ԵԱՀԿ/ԺՀՄԻԳ առաքելությունն իրեն պետքական ուղղությամբ: Օսկանյանի մարդիկ անում էին այն,ինչի համար իր շեֆ Քոչարյանը Արթուր Բաղդասարյանին դավաճան էր անվանել մի քանի տարի առաջ:Նրանք ասում էին դիտորդներին,որ իրենք՝ այսինքն միջազգային հանրությունը,բավարար չափով  չեն քննադատում անցկացված ընտրական գործընթացը:

Առավել ուշագրավ էր այն,որ Օսկանյանի այդ մարդկանցից մեկն էր Ալեքս Սարդարը (https://www.facebook.com/alexsardar), որը ներկայացավ «անկախ լրագրող»: Իրականում պրն. Սարդարը «Counterparts International Armenia» ընկերության ղեկավարն է:

Չիմացողների համար պիտի բացատրենք,որ այդ կազմակերպությունը Հայաստանում ԱՄՆ Միջազգային զարգացման գործակալության՝USAID-ի հիմնական կոնտրակտորներից`կապալառուներից մեկն է: USAID-ն Հայաստանում որևէ ծրագիր ինքնուրույն չի անում,այլ դրանք հանձնում է կապալառուներին՝  իրականացնելու համար:Կարիք չկա երևի բացատրելու,թե ինչ կարգի թվերի ֆինանսավորում է ԱՄՆ հատկացնում մեր երկրում ժողովրդավարությունը ամրապնդելու համար:

Ճիշտ է` ԱՄՆ դեսպանությունը և Միջազգային զարգացման գործակալության՝ USAID-ն միշտ իրենց ճղում են ու պնդում,որ իրենք քաղաքական պրոցեսներին չեն մասնակցում,այդ պրոցեսների վրա ներազդելու նպատակ չեն հետապնդում,և այլն,և այլն…

Բայց արի՛ ու տե՛ս,որ փաստերը հակառակն են ասում…

Սեւակ ՄՈԿԱՑԻ