Մեծ Բրիտանիան ցուցադրել է Ուկրաինային տրամադրած Stormer զրահամեքենաները
Նմանատիպ
Մեծ Բրիտանիայի պաշտպանության նախարարությունը ցույց է տվել, թե ինչպես են աշխատում Stormer զրահամեքենաները, որոնց վրա տեղադրված են Starstreak զենիթահրթիռային համալիրներ։
Զրահամեքենաների ֆունկցիոնալ կարողությունները ցուցադրող տեսանյութը հրապարակվել է Միացյալ Թագավորության Պաշտպանության նախարարության Twitter-ի էջում։
💥 Meet the Stormer armed with Starstreak missiles and part of the 200 armoured vehicles the UK has donated to Ukraine.
🤝 Our commitment to Ukraine remains steadfast, and we will match or exceed last year’s military support in 2023.
🇺🇦 #StandWithUkraine 🇺🇦 pic.twitter.com/fth5X4qw88
— Ministry of Defence 🇬🇧 (@DefenceHQ) January 11, 2023
Ինչպես նշվում է, զրահամեքենաները կազմում են Ուկրաինային փոխանցված ռազմական օգնության փաթեթի մի մասը, որը ներառել է 200 Stormer զրահագնաց։
Զենիթահրթիռային կոմպլեքսները իրենցից ներկայացնում են միջին հեռահարության Starstreak կամ Martlet LMM հրթիռների արձակման 8 փողանի սարքեր, որոնք տեղադրված են Stormer-ի զրահապատ թրթուրավոր պլատֆորմի վրա։ Երկու տեսակի հրթիռներն էլ արդեն կիրառվում են Ուկրաինական զինված ուժերի կողմից ռազմական գործողությունների տարբեր հատվածներում։
Համալիրը թույլ է տալիս ֆիքսել հակառակորդի ինքնաթիռներն ու ուղղաթիռները մինչև 18 կիլոմետր հեռավորության վրա։ Իսկ Starstreak հրթիռների արագությունը երեք անգամ գերազանցում է ձայնի արագությունը։ Դրանք բաղկացած են երեք մասից, որոնք ունեն հարվածային դետոնատորներ և պայթուցիկ մարտագլխիկներ՝ թիրախը մի քանի անգամ խոցելու համար:
Հետևեք մեզ նաև Telegram-ում