Genesis-ը հայտարարել է սնանկության մասին․ Bloomberg

FTX-ի տապալումից հետո կրիպտոարժութային մեկ այլ խոշոր բորսա՝ Genesis-ը, սնանկության հայց է ներկայացրել:

Այս մասին տեղեկություն է հրապարակել Bloomberg գործակալությունը։

Նման որոշման պատճառ է դարձել ֆինանսական միջոցների հետկանչման վերաբերյալ մեծ թվով դիմումները։

Genesis-ը նախատեսում է դատական գործընթացն օգտագործել՝ փորձելու համար վաճառել ակտիվները կամ գումար հավաքել: Եթե դա Genesis-ին չհաջողվի, ապա պարտատերերը կդառնան վերակազմակերպված բիզնեսի սեփականատերը։

Ընկերությունը հայտարարել է, որ ունի 150 միլիոն դոլար կանխիկ գումար։ Դա նրան թույլ կտա շարունակել աշխատել՝ մշակելով պարտատերերի պարտքը մարելու ծրագիր։

Հունվարին Genesis-ն աշխատանքից ազատել է անձնակազմի մոտ 30 տոկոսին:

Genesis-ը համագործակցել է FTX-ի հետ՝ ներառյալ վարկեր տրամադրելով: Դեռ անցյած տարվա նոյեմբերին Genesis-ին կանխատեսել էին սնանկացում։ Իրացվելիության խնդիրները սկսվել են FTX-ի փլուզումից հետո: