ԵՄ-ն ընդունեց Իրանի դեմ պատժամիջոցների 4-րդ փաթեթը

Հունվարի 23-ին ԵՄ արտգործնախարարների հանդիպման ժամանակ համաձայնեցվել է Իրանի դեմ ԵՄ պատժամիջոցների չորրորդ փաթեթը։

Այս մասին հաղորդվում է ԵՄ-ի Խորհրդում Շվեդիայի նախագահության Twitter-ի պաշտոնական էջում։

At today’s #FAC the Ministers adopted a new package of sanctions against #Iran, targeting those driving the repression.

The EU strongly condemns the brutal and disproportionate use of force by the Iranian authorities against peaceful protesters. @TobiasBillstrom pic.twitter.com/cNeXZCTK79

— Sweden in EU (@SwedeninEU) January 23, 2023

Գրառման մեջ չի նշվում, թե կոնկրետ ում վրա են ազդելու սահմանափակումները, սակայն նշվում է, որ դրանք կազդեն «ճնշումներ իրականացնողների վրա»։

«ԵՄ-ն խստորեն դատապարտում է Իրանի իշխանությունների կողմից խաղաղ ցուցարարների նկատմամբ ուժի դաժան և անհամաչափ կիրառումը»,- ընդգծվում է միկրոբլոգում։

Մինչդեռ Ավստրիայի արտաքին գործերի նախարար Ալեքսանդր Շալենբերգը Twitter-ի իր էջում գրել է, որ ՄԱԳԱՏԷ-ի ղեկավար Ռաֆայել Գրոսսին հետևել է իր հրավերին և մասնակցել Բրյուսելում ԵՄ ԱԳ նախարարների հանդիպմանը։ Քննարկման թեմաներից մեկը իրանական միջուկային ծրագիրն է եղել։