Կիևում դժգոհ են Արևմուտքի ռազմական օգնության ծավալներից

Գերմանիայի կառավարությունը չի շտապում Ուկրաինա ուղարկել Leopard 2 տանկեր, ինչը վրդովմունք է առաջացնում ոչ միայն Կիևում, այլև Արևելյան եվրոպայի երկրներում ու Մեծ Բրիտանիայում։

«Կիևի արևմտյան դաշնակիցների անվճռականությունը հանգեցնում է ավելի ու ավելի շատ ուկրաինացիների մահվան»,- ասել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը։ – «Միևնույն է՝ դուք կօգնեք Ուկրաինային անհրաժեշտ սպառազինություններով և կհասկանաք, որ պատերազմը դադարեցնելու այլ տարբերակ չկա, քան Ռուսաստանի պարտությունը», – գրել է նա Twitter-ում և հրապարակել տեսանյութ, որում երևում է Բրիտանիայի կողմից օգնություն ուղարկված Sea King ռազմական ուղղաթիռ։

Sea King from the UK has arrived in its new kingdom near the Black Sea in Ukraine!
It is a strong reinforcement for the Ukrainian Navy. Our cooperation will continue to increase.
Thank you to @BWallaceMP
Together, we will secure the seas and lands across all of Europe! pic.twitter.com/Qf4mF2vp8L

— Oleksii Reznikov (@oleksiireznikov) January 21, 2023

Գերմանիայում Ուկրաինայի դեսպան Օլեքսի Մակեևը Բեռլինին հորդորել է անհապաղ ճանապարհ բացել Կիևին Leopard 2 տանկերի մատակարարման համար։

Բալթյան երկրների արտգործնախարարները ևս կոչ են արել Գերմանիայի իշխանություններին անհապաղ տրամադրել Ուկրաինային Leopard 2 տանկեր, դադարեցնել ռուսական ագրեսիան, օգնել Ուկրաինային և արագ վերականգնել խաղաղությունը Եվրոպայում»։

Բուն Գերմանիայում քաղաքական գործիչները նույնպես քննադատում են դաշնային կառավարությանը, որը դեռ որոշում չի կայացրել Կիևին Leopard տանկերի մատակարարման հարցում։

Ինչու՞ է կարևորվում Leopard 2 տանկերի մատակարարման հարցը

Գերմանական Leopard 2A5 տանկը

Ինչպես գրում են արևմտյան ռազմական վերլուծաբանները՝ ամռանը Ուկրաինայի զինված ուժերի անակնկալ և սրընթաց հաջողությունները Խարկովի մարզում տանկերի, հրետանու և անօդաչու թռչող սարքերի համակցված և միաժամանակյա կիրառման արդյունք էր:

Մարտական ​​տանկերը, ինչպիսին է գերմանական Leopard-ը, ՆԱՏՕ-ի բազմազեն մարտական ​​հայեցակարգի մաս են կազմում: Եթե Ուկրաինան ստանա Leopard 2 տանկեր և հետևակի մարտական ​​մեքենաներ, նա կկարողանա դրանք օգտագործել իրեն արդեն մատակարարված սպառազինության համակարգերի հետ միասին, ինչպիսիք են Gepard գերմանական զենիթային ինքնագնացները կամ Panzerhaubitze 2000 շարժական հրետանային համակարգերը և ամերիկյան HIMARS հրթիռահրետանային կայանները։