ԵՄ-ն չգիտի, թե ով է հարձակվել Սպահանի վրա

ԵՄ արտաքին ծառայության խոսնակ Պիտեր Ստանոն ասել է, որ ԵՄ-ն հստակ պատկերացում չունի, թե ով է պատասխանատու Իրանի Սպահան քաղաքում գործարանի վրա հարձակման համար։

«Մենք չգիտենք, թե ով է կանգնած հարձակման հետևում և կոնկրետ ինչ է տեղի ունեցել։ Մենք հետևում ենք Իրանից եկող լուրերին…»,- շեշտել է Ստանոն։

Նրա խոսքով՝ բոլոր կողմերը պետք է զուսպ լինեն՝ նոր էսկալացիա թույլ չտալու համար։

Հիշեցնենք, որ ավելի վաղ Պենտագոնը ևս հրաժարվել է պատասխանատվություն ստանձնել հարձակման համար, իսկ ամերիկյան Reuters և Wall Street Journal պարբերականները, հղում անելով իրենց աղբյուրներին, վկայել էին Իսրայելի մեղավորության մասին։